انتخاب ولی دکنی
Bibliographic details
Summary
ایک عرصے تک اردو شاعری کے باوا آدم کہلائے جانے والے ولؔی دکنی کے کلام نے اردوشاعری کو پروان چڑھانے میں اہم کردار ادا کیا ہے۔ان کے کلام اپنی زبان و بیان کی نفاست ،شعری لطافت،صوفیانہ رنگ اور دلکش تراکیب، صنعتوں کے ساتھ دلچسپ ہے۔بے شک ان کا یہ کلام اردو کی ابتدائی شکل میں ہے لیکن متنوع موضوع، خیال کی رنگینی،بیان کی سادگی ،روانی ،تشبیہات و استعارات کی جدت ،معنی آفرینی کا ایسا حسین امتزاج ہے ۔جس کا مطالعہ آج بھی قارئین کو کیف و سرور عطا کرتا ہے۔ولی نے ہر صنف سخن میں طبع آزمائی کی ہے اور اپنی فن کا لوہا منوایا ہے۔غزل ،قصیدہ ،رباعی ،مستزاد، قطعہ اور مثنوی وغیرہ ہر صنف میں ان کا منفرد اسلوب نمایاں ہے۔لیکن غزل کو ولی نے اور ولی کو غزل نے جو شہرت عطا کی وہ دوسری اصناف کے حصے میں نہیں آسکیں۔انتخاب ولیؔ میں ان کے کلام کا منتخبہ حصہ شامل ہے۔ان کی کلام کی اثر پذیری اور مقبولیت کی ایک وجہ یہ بھی تھی کہ ان کے کلام میں ہندی الفاظ کی گھلاوٹ اور فارسی کی رنگینی و شرینی موجود تھی۔ زیر نظر انتخاب کو دور جدید کے عظیم شاعر ناصر کاظمی نے انجام دیا ہے۔ اس لئے اس انتخاب کا مطالعہ دلچسپی سے خالی نہیں۔